اردو دنیا، مارچ 2024
بعض
اوقات ایسا ہوتا ہے کہ کبھی کسی کمرۂ جماعت، لیکچر، تعلیمی ا جلاس، یا سمینار سے دوران
ہی طلبہ باہر نکل جاتے ہیں۔ کیا آپ نے کبھی
سوچا ہے کہ طلبہ کیونکہ منقطع، Disengaged، اور غیر متحرک ہیں؟ اس کی ایک وجہ یہ
ہے کہ ایک وقت میں بہت سارا مواد طلبہ کو بہم پہنچانے کی کوششیں کی جاتی ہیں اور طلبہ یوں محسوس کرتے ہیں کہ ان کا ذہن بالکل خالی یا بلینک ہو گیا ہے۔ کیونکہ وہ بہت زیادہ
اپنے ذہن پر دباو ڈال چکے ہیں نتیجے
کے طور پروہ کمرہ جماعت میں اچھی کا رکردگی کا مظاہرہ نہیں کرپاتے ہیں۔ اگرچہ کہ طلبہ کو مشغول کرنے، متحرک کرنے اور معلومات
کو ذہن نشین کروانے کے لیے کوئی جادو کی چھڑی نہیں ہے۔لیکن بائٹ سائز لرننگ ایک نئی
تدریسی حکمت عملی ہے جو مدد کر سکتی ہے۔
بائٹ
سائز لرننگ
ہم سب
نے یہ جملہ سنا ہے ’’ اچھی چیزیں چھوٹے پیکجوں میں آتی ہیں۔‘‘ بائٹ سائز لرننگ ایک
ایسی تدریسی حکمت عملی ہے جو مختصر سرگرمیوں
کے ساتھ مل کر مواد کے مختصر حصوں کا ایک تسلسل استعمال کرتی ہے۔ اسے مائیکرو لرننگ
بھی کہا جاتا ہے یہ یونٹوں یا سرگرمیوں کے
چھوٹے، اچھی طرح سے منصوبہ بند بائٹ سائز ٹکڑوں کو استعمال کرتی ہے۔طلبہ کو لمبے، بلا
وقفہ والے سیشنز میں شامل کرنے کے بجائے معلومات کو چھوٹے، قابل انتظام حصوں میں تقسیم
کرتی ہے تمام بائٹ سائز لرننگ کے ماڈیولز چھوٹے
ہوتے ہیں 10 سے 15 منٹ کے درمیان لیکن تمام چھوٹے ماڈیولز بائٹ سائز کے فارمیٹ
پر عمل نہیں کرتے ہیں۔ماڈیولز سے مراد ویڈیو،
ٹیکسٹ کا ایک ٹکڑا، ایک پوڈ کاسٹ—یہ طریقہ خاص طور پر آن لائن اکتساب پر لاگو ہوتا ہے اور تمام میڈیا فارمز کا
استعمال کر سکتا ہے۔
کسی
موضوع کے بارے میں جاننے کے لیے بائٹ سائز لرننگ طلبہ کو اپنے اکتسابی عمل پر زیادہ توجہ
مرکوز کرنے اور فعال طور پر شامل رکھتا ہے اور اسے ایک کمتر طریقہ نہیں سمجھا جانا
چاہیے جو کہ صرف کند ذہن طالب علموں کے لیے ہے عنوانات کو بائٹ سائز کے ماڈیولزز میں
کم کر کے ہم کند ذہن طالب علموں کو نچلی سطح
پر نہیں لے جارہے ہیں بلکہ انھیں انسانی دماغ کی فزیالوجی کے بارے میں ہماری بڑھتی
ہوئی سمجھ کے مطابق ڈھال رہے ہیں۔
بائٹ
سائز لرننگ کے فوائد
مختلف
تحقیقات و مطالعات نے بائٹ سائز لرننگ کے کچھ
مخصوص فوائدکی نشاندہی کی ہے۔ مثال کے طور پر، Giurgiu (2017) کے ایک مطالعے سے معلوم ہوا ہے کہ مواد کے چھوٹے حصوں نے طلبہ کو معلومات کو بہتر
طریقے سے یاد رکھنے اور کورس کے اختتامی امتحان میں بہتر کارکردگی کا مظاہرہ کرنے میں
مدد کی۔ Liu, Wei, and Gao (2016)
کی ایک اور تحقیق سے معلوم ہوا کہ مواد کو سیکھنے اور سمجھنے
میں طالب علم کی دلچسپی نمایاں طور پر بہتر ہوئی ہے۔بائٹ سائز لرننگ کے فوائد مندرجہ ذیل ہیں:
Retention/
Focus Is Improved
طلبہ
کے لیے یہ ناممکن ہے کہ وہ بغیر توقف کے طویل مدت تک کسی کام پر توجہ مرکوز کریں کیونکہ
ہماری توانائی دن بھر میں متواتر کم ہوتی
رہتی ہے۔ مثال کے طور پرمطالعات سے پتا چلتا ہے کہ 60 سے 90 منٹ تک توجہ مرکوز کرنے
کے بعد ہماری چوکسی کم ہو جاتی ہے۔ اس دورانیہ
میںطلبہ اکثر کھڑے ہونے یا ٹہلنے کی ضرورت
محسوس کرتے ہیں۔طلبہ بے چین ہو جاتے ہیں کیونکہ ان کی توجہ کا دورانیہ ختم ہورہا ہوتا
ہے۔
ابرینا
ٹومپکنز Abreena tompkins ایک تدریسی ماہر کے
مطابق ’’جسمانی طور پر فردکے نیوران مسلسل 20 منٹوں سے زیادہ متحرک اور چوکس رہتے ہیں۔ ان 20 منٹوں کے اختتام پراس کے نیوران مکمل الرٹ
سے مکمل طور پر گراوٹ کی طرف چلے جاتے ہیں
اور ان نیورونز کو مکمل طور پر بحال ہونے اور مکمل الرٹ حالت میں واپس آنے میں دو
سے تین منٹ لگتے ہیں۔ اگر فرد نے تین منٹ سے زیادہ وقفہ/بریک لیا تو اس نے اپنی توجہ دوبارہ مبذول کر لی ہے۔‘‘ طلبہ سرگرمی اور آرام
کے مستقل اور بار بار چلنے والے پیٹرن کے ساتھ بہترین کام کرتے ہیں۔ جہاں بائٹ سائز لرننگ کے بہترین نتائج حاصل ہوسکتے ہیں۔ طلبہ بائٹ سائز لرننگ میں اعلی توانائی کے ادوار سے فائدہ اٹھا سکتے
ہیں اور توانائی کے ختم ہونے اور توجہ برقرار
رکھنے میں نمایاں کمی آنے سے پہلے وہ اپنے مواد کا ایک حصہ ختم کر سکتے ہیں۔
کورس
کے مواد میں دلچسپی بڑھ جاتی ہے Interest In Course Material
Increases
بائٹ
سائز لرننگ اور اس کی تاثیر کے بارے میں
تحقیق نے اس بات پر توجہ مرکوز کی ہے کہ طالب علموں نے روایتی متبادلات کے برخلاف اس
طریقہ کار کو استعمال کرتے وقت کورس کے مواد پر کیسے رد عمل ظاہر کیا اور اسے کس حد
تک یاد رکھا۔ مثال کے طور پر، Giurgiu (2017) کے ایک مطالعے سے معلوم ہوا ہے کہ مواد کے چھوٹے حصوں نے طلبہ کو معلومات کو بہتر
طریقے سے یاد رکھنے اور کورس کے اختتامی امتحان میں بہتر کارکردگی کا مظاہرہ کرنے میں
مدد فراہم کی۔ Liu, Wei, and Gao (2016) کے ایک اور مطالعے سے معلوم ہوا کہ مواد کو سیکھنے اور سمجھنے دونوں میں طلبہ کی
دلچسپی نمایاں طور پر بہتر ہوئی ہے۔
یہ مطالعات
کورس کے مواد اور طالب علم کی مصروفیت کے درمیان تعلق کے بارے میں واضح حقیقت کی عکاسی کرتے ہیں۔ اگر طلبہ کو کم برن
آؤٹ کا سامنا کرنا پڑتا ہے تو وہ کورسز اور ان کے اندر موجود مواد کو زیادہ احسن
طریقے سے سیکھتے ہیں۔ سائنس نے مسلسل ثابت
کیا ہے کہ حوصلہ افزائی/ محرکہ اور مشغولیت کامیاب اکتساب کے بہت بڑے حصے ہیںاور تحقیق اور عقل دونوں
ہی اس کی حمایت کرتے ہیں۔
اکتساب اور ترقی کے پیشہ ور افراد پر کیے گئے ایک سروے
کے مطابق 94% نے کہا کہ وہ وقت خرچ کرنے والے روایتی ای لرننگ کورسز کے مقابلے
بائٹ سائز لرننگ کو ترجیح دیتے ہیں کیونکہ ان کے
طلبہ اسے ترجیح دیتے ہیں (Boyette, 2012)۔
جیسا کہ ہر استاد جانتا ہے پرجوش طلبا اکتساب
کا ایک دلچسپ ماحول بناتے ہیں جو خود اس اپروچ کا ایک غیر محسوس فائدہ ہے۔روایتی گریڈ
اسکول یا کالج کے ماحول سے ہٹ کر بائٹ سائز لرننگ
نوجوان طلبہ کے لیے بھی فوائد فراہم کرتی ہے۔
علمی
صلاحیتوں کے ساتھ صف بندی Alignment with Cognitive
Capabilites
ملر
(1956) کے بنیادی کام 'The Magical
Number Seven, Plus or Minus Two' کے مطابق انسان اوسطا اپنی ورکنگ میموری میں تقریبا سات اشیامحفوظ رکھ
سکتا ہے۔ بائٹ سائز تدریس اس بات کو مدنظر رکھتی ہے اور وہ قابل انتظام حصوں میں معلومات پیش کرتی ہے
اس طرح بہتر یادداشت اور تفہیم کو فروغ دیتی
ہے۔ (کلارک ، 2010)۔
جدید
طرز زندگی کے مطابقFits Modern
Lifestyles
ہم ملٹی
ٹاسکنگ دور میں زندگی گزار رہے ہیں۔ ایک طویل مضمون پڑھنا یا ایک گھنٹے کے لیکچر
میں شرکت کرنا ہر ایک کے مصروف شیڈول میں فٹ نہیں ہوسکتا ہے۔ دوسری طرف، بائٹ سائز
ٹیچینگ ، چھوٹے، توجہ مرکوز اسباق پیش کرتی ہے جو آسانی سے مربوط ہوسکتے ہیں۔ چاہے
وہ سفر کے دوران ہو ، کافی کے وقفے کے دوران ہو ، یا کاموں کے درمیان ہو۔ہگ
(2005) نے نشاندہی کی ہے کہ جدید طالب علم
اکثر متعدد کرداروں اور ذمے داریوں کو نبھاتا ہے جس کی وجہ سے طویل عرصے تک اکتسابی
سیشن میں مشغول رہنا مشکل ہوجاتا ہے۔ ایسے میں مختصر، لچکدار ماڈیولز کے ساتھ،
بائٹ سائز لرننگ کو روزمرہ کی زندگی میں بغیر کسی رکاوٹ کے ضم کیا جاسکتا ہے جو آج
کے طلبہ کے مطالبات کو پورا کرتا ہے۔ (کیپ ، 2012)۔
Personalized
Learning Pathways
بائٹ
سائز لرننگ طلبہ کو یہ منتخب کرنے کی اجازت دیتی ہے کہ ان کے موجودہ علم اور ضروریات
کی بنیاد پر کون سے ماڈیولز کے ساتھ مشغول ہونا ہے (ہگ، 2007)۔ یہ طلبہ کو بااختیار
بناتی ہے اور زیادہ Personalized
Learning Pathways فراہم کرتی ہے۔
اکتساب
بائٹ
سائزکے ماڈیولزکے ساتھ طلبہ منتخب کرسکتے ہیں
کہ وہ کیا سیکھنا چاہتے ہیں اور کب سیکھنا
چاہتے ہیں۔ اس لچک سے مخصوص موضوعات پر نظر ثانی کرنا یا واقف مواد کو چھوڑنا
آسان ہوجاتا ہے، جس سے ذاتی طور پر سیکھنے کا تجربہ حاصل ہوتا ہے۔
مصروفیت
کی برقرار ی
مواد
جتنا چھوٹا ہوگا طلبہ کا دھیان بھٹکنے یا بور
ہونے کا امکان اتنا ہی کم ہوگا۔ بائٹ سائز لرننگ ماڈیولز، خاص طور پر ملٹی میڈیا جیسے
ویڈیوز یا انٹرایکٹو کوئز طلبہ کی دلچسپی کو
برقرار رکھ سکتے ہیں اور مواد کے ساتھ زیادہ فعال مشغولیت کی حوصلہ افزائی کر سکتے
ہیں۔ Guo et al (2014) کے ایک مطالعے میں پایا گیا کہ ویڈیو مصروفیت Video engagement چھ منٹس کے بعد تیزی سے کم ہوتی ہے۔ مختصر مواد طلبہ کی دلچسپی
کو برقرار رکھنے کا رجحان رکھتا ہے۔ علمی بوجھ کے امکانات کو کم کرتا ہے اور مجموعی
مصروفیت کو بڑھاتا ہے (رونی ، 2015)۔
فوری اطلاق
بائٹ
سائز لرئنگ اکثر مخصوص مہارتوں یا علم کے شعبوں کو نشانہ بناتی ہے۔ ایک بار جب ایک
طالب علم ماڈیولزکومکمل کر لیتا ہے، تو وہ سیکھنے کے عمل کو تقویت دینے اور اس کی عملی
قدر کو بڑھانے کے لیے جو کچھ سیکھا ہے اسے فوری طور پر لاگو کر سکتا ہے۔
کفایتی
اور موثر
معلمین
اور اداروں کے لیے بائٹ سائزکا مواد تیار کرنا اکثر زیادہ کفایتی ہوسکتا ہے۔ طویل کورسز
یا مواد تیار کرنے کے بجائے اساتذہ مختصر ماڈیولز
تیار کرسکتے ہیں جنھیں ضرورت کے مطابق آسانی سے اپ ڈیٹ یا ترمیم کیا جاسکتا ہے۔ طلبہ
کے لیے بائٹ سائزکا مطلب ہے کہ غیر ضروری مواد پر کم اور براہ راست متعلقہ چیزوں پر
زیادہ وقت گزارنا۔ ادارہ جاتی نقطہ نظر سے ٹورنس (2013) نے مشاہدہ کیا ہے کہ بائٹ سائزکا
مواد تیار کرنا جامع کورسز تیار کرنے سے کہیں زیادہ کفایتی ہوسکتا ہے۔ مزید برآں طلبہ
اپنے علمی خلا کو زیادہ مؤثر طریقے سے نشاندہی کرسکتے ہیں جس سے وسائل کا بہتر استعمال
ہوتا ہے۔
(میئر
اینڈ مورینو ، 2003)
موبائل
لرننگ کی حمایت
بائٹ
سائز لرننگ موبائل لرننگ کے لیے ایک بہترین
ساتھی ہے۔ اسمارٹ فونز یا ٹیبلیٹ پر بہت سے طلبہ کی مواد تک رسائی کے ساتھ، مختصر اکتسابی
ماڈیولز چلتے پھرتے استعمال کے ساتھ زیادہ مطابقت رکھتے ہیں۔ تعلیمی مقاصد کے
لیے موبائل ڈیوائس کے استعمال میں اضافے کو دیکھتے ہوئے
Partridge alet (2011) کا استدلال
ہے کہ بائٹ سائزلرننگ موبائل لرننگ کے ساتھ مکمل طور پر مطابقت رکھتی ہے۔ مختصر ماڈیولزز
کو چلتے پھرتے استعمال کیا جاسکتا ہے جس سے تعلیم زیادہ قابل رسائی ہوجاتی ہے۔
Provides
Quick Feedback
بہت
سے بائٹ سائز لرننگ ماڈیولز فوری جانچ کے ساتھ ہوتے ہیں جیسے کوئز یا انٹرایکٹو سرگرمیاں۔ یہ فوری فیڈ بیک
طلبہ کو مواد پر اپنی گرفت کو سمجھنے میں مدد کرتا ہے اور مزید سیکھنے یا نظر ثانی
کی ترغیب دے سکتا ہے۔ فوری اطلاق
Retention کو تقویت دیتا ہے اور
جب فوری فیڈ بیک کے ساتھ جوڑا بنایا جائے جیسا کہ Bruck alet (2012) نے مشاہدہ
کیا ہے یہ طلبہ کے اعتماد اور فہم کو بڑھاتا ہے۔
بائٹ
سائز ٹیچینگ کے اقدام
ہم اس دور
میں رہتے ہیں جہاں فوری طور پر تسکین چاہیے۔ طلبہ وہی چاہتے ہیں جو اساتذہ چاہتے ہیں۔
طالب علموں کو ایک نئے تصور سے متعارف کرانے، کمرہ جماعت کے اسباق کو تقویت دینے، یا
امتحان سے پہلے جائزہ لینے کے لیے اساتذہ بائٹ
سائز ٹیچنگ کا استعمال کریں۔ اپنے کمرۂ جماعت میں بائٹ سائز لرننگ ماحول بنائیں۔ ان اقدامات
کے ذریعے اساتذہ بائٹ سائز ٹیچنگ کو
نافذ کرسکتے ہیں۔
کمرۂ
جماعت کے لیے اکتسابی اہداف کا تعین کریں: سبق یا کورس کے اختتام تک آپ اپنے طلبہ کو کیا
جاننا یا کرنے کے قابل بنانا چاہتے ہیں اس کی وضاحت شروع کریں۔ مقاصد آپ کے مواد کی
تخلیق کے عمل میں رہنمائی کریں گے۔
مواد
کا تجزیہ کریں: اس مواد کا جائزہ لیں جو آپ
پڑھانا چاہتے ہیں۔ بنیادی خیالات کا تعین کریں اور ان کے آپسی ربط کو دیکھیں۔
مواد
کو تقسیم کریں: اپنے مواد کو چھوٹے ٹکڑوں یا
’بائیٹس‘ میں تقسیم کریں۔ ہر حصہ ایک مکمل خیال یا تصور پیش کرنے کے قابل ہونا چاہیے۔
معلومات
کو ترجیح دیں: اس بات کا تعین کریں کہ کون
سی معلومات ضروری ہیں اور کیا اضافی ہے۔ اس بات کو یقینی بنائیں کہ ضروری معلومات پہلے
اور واضح طور پر پیش کی گئی ہوں۔
حواس
کو مشغول کریں: مختلف اکتسابی
انداز کے مطابق اور مواد کو زیادہ دلچسپ بنانے کے لئے ملٹی میڈیا (ویڈیوز ،
تصاویر ، آڈیو کلپس ، وغیرہ) شامل کریں۔متن کو میڈیا کی دیگر شکلوں کے ساتھ متوازن
کریں۔
انٹرایکٹو
عناصر: طلبہ کو مشغول کرنے اور ان کی تفہیم
کی جانچ کرنے کے لیے کوئز، پولز، یا انٹرایکٹو مشقیں شامل کریں۔ یہ نہ صرف مواد کوتقسیم
کرتا ہے بلکہ فوری فیڈ بیک بھی فراہم کرتا
ہے۔
مدت
کی حد: ہر بائٹ سائز کی لمبائی 2-10 منٹ ہو۔ یہ مدت موضوع کی پیچیدگی اور استعمال شدہ میڈیم
کی بنیاد پر مختلف ہوسکتی ہے۔
ترتیب:
مواد کو منطقی ترتیب میں منظم کریں۔ اس بات کو یقینی بنائیں کہ ایک حصے سے دوسرے حصے
میں واضح تسلسل ہو۔
سیاق
و سباق فراہم کریں: اس بات کو یقینی بنائیں کہ طلبہ واقف ہوں کہ معلومات کیوں متعلقہ
ہیں۔ بائٹ سائز حصوں کو بڑے موضوع یا مقصد
سے مربوط کریں۔
واضح
اور جامع زبان استعمال کریں: حد سے زیادہ
پیچیدہ زبان سے گریز کریں۔ مواد کو تمام طلبہ کے لیے قابل رسائی بنائیں۔
حقیقی
دنیا کی مثالیں شامل کریں:طلبہ کو مواد سے متعلق
کیس اسٹڈیز ، قصے ، یا عملی مثالیں فراہم کریں۔
فیڈ
بیک لوپس: طلبہ کو سوالات پوچھنے یا مواد پر تبادلہ خیال کرنے کے مواقع فراہم کریں۔
یہ سمجھنے کے لیے فیڈ بیک فراہم کریں کہ بائٹ
سائز کا مواد کس طرح موصول ہوتا ہے اور کہاں بہتری لائی جاسکتی ہے۔
لچکدار اکتسابی مواقع: تسلیم کریں کہ ہر طالب علم ایک ہی
ترتیب میں نہیں سیکھتا ہے۔ طلبہ کو یہ منتخب کرنے کی اجازت دیں کہ وہ بائٹ سائز کے
ٹکڑوں سے کس ترتیب میں نمٹنا چاہتے ہیں۔
تقویت:اکتساب
کو تقویت دینے کے لیے وقتا فوقتا کلیدی تصورات پر نظر ثانی کریں۔
Retention کو یقینی بنانے کے لیے
فالو اپ مواد یا مشقوں پر غور کریں۔
تشخیص
اور تکرار: آپ کے بائٹ سائزکے مواد کی تاثیر کا تعین کرنے کے لیے طلبہ کی مصروفیت،
تاثرات اور کارکردگی کی نگرانی کریں۔ فیڈ بیک کی بنیاد پر ضرورت کے مطابق مواد میں
ترمیم اور بہتری کریں۔
بائٹ
سائز ٹیچنگ اگرچہ مؤثر ہے لیکن بہترین نتائج
کے لیے اس نقطہ نظر کو دیگر تدریسی طریقوں کے ساتھ شامل کرنا
فائدہ مند ثابت ہوسکتا ہے۔
محاکمہ
مختصر
حصوں میں نئے عنوانات کااکتساب کافی موثر ہے۔ بائٹ سائزلرنگ کو متعدد مضامین کے لیے اور پیشہ ورانہ پروگرام اور
اسکول دونوں میں استعمال کیا جا سکتا ہے۔ بائٹ
سائزلرنگت کے بارے میں سب سے اچھی بات یہ ہے کہ اسے سمجھنا آسان ہے جو اسے ہر اس شخص
کے لیے مثالی بناتا ہے جسے جلدی کچھ سیکھنے کی ضرورت ہوتی ہے۔ یہ ایک موثر حکمت عملی
ہے جو طلبہ کی کارکردگی کی سطح کو بڑھانے کے ساتھ ساتھ اکتسابی عمل میں ان کی دلچسپی
اور حوصلہ افزائی میں بھی اساتذہ کی مدد کر سکتی ہے۔ بائٹ سائز لرننگ ان انسٹرکٹرز اور
ایڈمنسٹریٹرز کے لیے فائدہ مند ہے جو اپنی تدریس کو تمام طلبہ کے لیے مزید بہتر اور
سود مند بنانا چاہتے ہیں۔ طالب علموں کو تعلیمی ترقی سے مطمئن محسوس کرنے اور ایک ہی وقت میں بہت
سارے کام کے بوجھ سے بچنے کے لیے اساتذہ بائٹ سائزلرننگ کا استعمال کر سکتے ہیں۔
Dr.
Rubeena
Asst
Professor, Dept of Education and Training
Maulana
Azad National Urdu University
Hyderabad-
32 (Telangana)
Mob.:
9492530291
Email.:
syedarubeena1@gmail.com
کوئی تبصرے نہیں:
ایک تبصرہ شائع کریں